其實macaron我已經參加過兩個工作坊了。 第一次是公司舉辦的聯誼活動，地點是觀塘的工廠大廈，導師是一位叔叔。我其實冇諗過去上堂學都會失敗架... 我覺得是因為人數太多了，那一次大概有18-20人，導師好像都兼顧不了那麼多學員的狀況，尤其是把蛋白和粉類拌勻和消泡的部驟，差丁點就是差那丁點呀！說穿了，其實我就係衰呢part... 因為他的指示大概是「把蛋白和粉類拌勻，直至表面光亮和順滑」，但沒有告訴我「切記不要過度攪拌」呀！於是我不斷攪不斷攪，點解咁耐都唔得既... 仲好似越攪越杰咁... 然後我問阿sir點解會咁既，佢竟然冇話我知係咁既原因，搞到我兩轉都失敗呀！所以說，坊間的課程質素真的好參差，要找些有口碑的呀，免得花了金錢花了時間，還要拿著失敗的作品回家 (仲嬲緊)
▼ 勁皺皮而且係脆架囉
第二次是看到朋友在面書POST的照片，是卡通造型的macaron，超可愛的！原來是一家叫Chocolat的店(有提供macaron class 也有提供成品訂購的) ，最特別的是可以自訂造型，而店主Jo會為你設計草圖！在面書上碌碌下，發現之前有學員造過草間彌生的南瓜造型macaron！立刻超想參加！但因為太受歡迎的關係，差不多要登記一個月後的時間呀。還有，因為是小班教學 (4人!)，所以可以跟幾位朋友包堂呢～記得開始造前，Jo還跟我們說「放心，一定會成功的，因為我會逐個mon住你地既進度」，對於有過慘痛經歷的我真是打了支強心針！結果當然是成功的啦～而且學到打發蛋白的技巧真是終身受用！
▼ 第一次整草間彌生的南瓜造型
▼ 畫呢一part都好好玩
▼ 第二次係我最愛既星巴克！我諗極都諗唔到自己中意咩卡通公仔嘛～
然後汲取了兩次成功的經驗，在家試試看吧！雖然我深深明白上課的成功通常都不等如在家造可以成功的，除了技巧的問題外，也因為不熟識自己的焗爐，種種原因都會導致失敗的... 但出乎意料之外，竟然有一底是成功的！！但那當然是符碌的，因為只此一次... 那時候都沒有記錄低食譜和爐溫等資料，現在好想找回這個令我成功的食譜卻找不到...
▼ 成功！仲起到邊添！
▼ 見到咁既樣，就知係個麵糊度出左問題...
又相隔了數個月，因為吃了Laduree的好好吃的macaron，挑起我好想再挑戰的心! (你唔係諗住整到人地咁好食呀嘛) youtube上ochikeron channel的tutorial好有用！但都係起唔到邊....我唔肯定係個面未夠乾 (因為是春夏天, 等了差不多2小時都仲係黏黏地..)，定係爐溫控制得唔好呢... 其實質地OK架！但就係起唔到邊令我好挫敗呢 v___v 仲比人話係光蘇餅添... (我知，係似既...)
希望下一次update係成功架啦 (... 說完也沒有自信)
