日本生活碎碎念

 
. 好似好耐冇係JACSO講下生活，因為JACSO提倡書面語寫BLOG架嘛；
  但講生活，又好難用書面語喎‥（明明就係中文差‥）
  無論如何，呢一篇就係日本生活碎碎念之第0.1篇啦，以口語為主。 笑
 
. 三月了 時間過得真快 不想回家
 
. 外國同學中，最玩得埋是泰國人，其次是瑞典人。
  韓國人通常自己圍埋一堆；
  美國人真係好美國人（即係食雞好有雞味，好難用言語詳述）
  而德國人總帶點高不可攀的感覺。
 
. 有一次中國同學生日搞糖水會，途中不斷有人短暫加入離開；
  當中一個芬蘭同學和波蘭同學，由開頭玩到差唔多完，大家諗住執野既時候，
  佢地兩個拍拍籮友就話番房，得番我地幾個亞洲人。
  玩到十二點幾，大家都累，但堆mess大家有份製造，係咪應該一齊清理先？
 
. 有個瑞典同學，勁popular，去到邊都識到好多朋友；又得先生中意；
  有身高有身型，樣貌端好；
  讀書叻、影相靚、識彈結他作曲自彈自唱、識煮飯整麵包‥
  除左有時太自信（但佢又的確有料去自信喎‥），我諗唔到佢有咩係唔OK‥
  (通常有人呢個時候會話「可能佢唔得架呢‥」，哈哈 呢層我唔知啦 笑)
  呢個世界點會有D咁既人架？
 
. 越買越多野，仲要唔係買衫；
  買埋買埋都係屋企野 -- 床頭燈、咖啡壺（￥1500咋！點可以唔買喎）、茶壺‥
  上次見到個焗爐四千幾円，我差D想買埋 (!)
  係‥ 我知我淨係係度住十個月‥ 我都知番香港果陣唔知點算好‥
 
. 有冇長肉？又提衰野‥
  果次先同個鬼仔講 「at least i gain something here!」苦笑 
 
. 有空再寫