話說琴日烤肉派對，一整天賴在家裡足不出戶當宅女既我（最近從season1開始煲SATC！雖然兩年前睇左SATC電影一，但其實我一集電視劇都冇睇過的！所以雖然知道Carrie同Big最後係結左婚，但係對佢地之前既事真係完全唔知架！而且睇電影時見到佢地既老態，再睇番season1就好似反老還童咁！佢地後生既時候真係好青春好charming呀！講開又講，睇到season3中段，我真係好唔中意Big！但又暗地覺得真係呢種唔嗲唔吊既男人先得女人咁牽腸掛肚‥係勒，所以我決定要煲晒六個season先至睇第2集電影！）咁我冇出街就咩都冇買，落去R人地野食又唔係幾好意思，帶左雪櫃僅存既兩罐啤酒呃兩舊肉咁啦。
後來番lobby同人吹下水呃下酒飲，歡樂既時光過得特別快，望一望鐘，話咁快就兩點。咁岩睄到隔離道門上面條橫樑上面有個太陽能擰頭公仔，台灣女同學走埋去諗住拎落黎玩，點知佢唔夠高喎。咁話晒我一向都為自己身高而自豪架嘛（假既，係香港高大既女仔都唔知有咩著數），就行埋去諗住一跳，一拎，完美降落型一型啦－－點知拎又拎唔到落黎，落地果下仲狠狠地拗親隻腳！！！
依家腫到有隻蛋係入面咁呀！‥‥結果我由床去廁所都係靠我張３６０度辦公室旋轉椅運送‥重點係，拗柴梗係睇跌打架嘛！東京唔知邊度有跌打呢heh‥
沒有留言:
張貼留言